မိတ္ထီလာ အောက်တိုဘာ ၄
၂၀၁၉ ခုနှစ် အောက်တိုဘာလ(၅)ရက်နေ့တွင် ကျရောက်မည့် ကမ္ဘာ့ဆရာများနေ့ အထိမ်းအမှတ် အသက်(၇၀) နှစ်အထက် ဆရာကြီး၊ ဆရာမကြီးများအား ပူဇော်ကန်တော့ခြင်း အခမ်းအနားကို (၄-၁၀-၂၀၁၉)ရက်နေ့ နံနက်(၁၀)နာရီတွင် မိတ္ထီလာတက္ကသိုလ် ဓမ္မာရုံ၌ ကျင်းပရာ မိတ္ထီလာတက္ကသိုလ် ပါမောက္ခချုပ် ဒေါက်တာဘဟန်နှင့် ဒုတိယပါမောက္ခချုပ် ဒေါက်တာကေသီသင်တို့ တက်ရောက်ဂါရဝပြု ခဲ့ကြပြီး ပါမောက္ခချုပ်က အဖွင့်စကား ပြောကြားခဲ့ပါသည်။ ထို့နောက် ကန်တော့ခံ ဆရာကြီး၊ ဆရာမကြီးများအား ပါမောက္ခချုပ်၊ ဒုတိယပါမောက္ခချုပ်၊ ပါမောက္ခ(ဌာနမှူး)များနှင့် တက်ရောက်လာ ကြသူများက ရှိခိုးကန်တော့၍ လက်ဆောင်များ ဂါရပြုပေးအပ်ခဲ့ကြပါသည်။ ယင်းနောက် ကန်တော့ခံ ဆရာကြီး၊ ဆရာမကြီးများကိုယ်စား ဆရာကြီးဦးလှသိန်း(ပါမောက္ခချုပ်-ငြိမ်း၊ မိတ္ထီလာတက္ကသိုလ်)က ဆုံးမသြဝါဒစကား မြွက်ကြားခဲ့ပါသည်။ ထို့နောက် တက်ရောက်လာကြသည့် ကန်တော့ခံ ဆရာ၊ ဆရာမကြီးများအား နေ့လယ်စာဖြင့် တည့်ခင်းဧည့်ခံခဲ့ကြကြောင်း သိရှိရပါသည်။